ନୂଆପଡ଼ା ଉପନିର୍ବାଚନ ୨୦୨୫, ଏକ ବହୁ ଚର୍ଚ୍ଚିତ ଉପନିର୍ବାଚନ ଥିଲା। ନୂଆପଡ଼ା ନିର୍ବାଚନ ମଣ୍ଡଳୀରୁ ସାତଥର ପ୍ରତିନିଧିତ୍ୱ କରିଥିବା ଘାସିରାମ ମାଝୀଙ୍କ ଦେହାନ୍ତ ପରେ ୧୯୯୭ ମସିହାରେ ଉପନିର୍ବାଚନ ହୋଇଥିଲା। ଏହା ମଧ୍ୟ ଏକ ଚର୍ଚ୍ଚିତ ନିର୍ବାଚନ ଥିଲା। ବର୍ତ୍ତମାନ ଥରେ ସ୍ୱାଧିନ ପ୍ରାର୍ôଥ ଏବଂ ପରବର୍ତ୍ତି ତିନିଥର ବିଜୁ ଜନତାଦଳ ପ୍ରାର୍ôଥ ଭାବେ ଚାରିଥର ନୂଆପଡ଼ାର ପ୍ରତିନିଧିତ୍ୱ କରିଥିବା ରାଜେନ୍ଦ୍ର ଢୋଲକିଆଙ୍କ ମୃତ୍ୟୁପରେ ଚଳିତ ଉପନିର୍ବାଚନ ହୋଇ ସାରିଛି। ଦୁଇଟି ନିର୍ବାଚନ ଚର୍ଚ୍ଚିତ ରହିବା କାରଣ ମଧ୍ୟ ଭିନ୍ନ ଭିନ୍ନ ଅଟେ।
ସ୍ୱ. ଘାସିରାମ ମାଝୀ ଜଣେ ବ୍ୟକ୍ତିତ୍ୱ ଥିଲେ। ଆଦିବାସୀ ଗୋଣ୍ଡ ସମ୍ପ୍ରଦାୟର ଜଣେ ଶିକ୍ଷିତ ଯୁବକ ଯିଏ ପାଟଣା ରାଜ୍ୟ (ବଲାଙ୍ଗୀର) ଦରବାରରେ ନିଯୁକ୍ତି ପାଇଥିଲେ। ରାଜତନ୍ତ୍ର ସହ ପ୍ରତ୍ୟକ୍ଷ ଜଡିତ ଥିଲେ। ସ୍ୱାଧିନତା ପରବର୍ତ୍ତି ସମୟରେ ସ୍ୱତନ୍ତ୍ରପାର୍ଟି ସହ ଯୋଡି ହୋଇଥିଲେ। ପାଟଣାର ତତ୍କାଳିନ ମହାରାଜ ରାଜେନ୍ଦ୍ର ନାରାୟଣ ସିଂଦେଓ ମଧ୍ୟ ସ୍ୱତନ୍ତ୍ରପାର୍ଟି ସହ ମିଶିଥିଲେ। ସ୍ୱତନ୍ତ୍ରପାର୍ଟି ଶିଳ୍ପବିକାଶ ଉପରେ ଗୁରୁତ୍ୱ ଦେଉଥିଲା। ଘାସିରାମ ମାଝୀ ରାଜନେତା ହେବାସହ ପ୍ରଥମ ଚାଷୀ ଯିଏ କଳାହାଣ୍ଡି ଜିଲ୍ଲାରେ ପ୍ରଥମ କରି ଟ୍ରାକ୍ଟର ବ୍ୟବହାର କରି ଚାଷ କରିଥିଲେ। କୃଷିକ୍ଷେତ୍ରରେ ଆଧୁନିକତା ଏବଂ ଶିଳ୍ପବିକାଶ ଦ୍ୱାରା ସମାଜର ଉନ୍ନତି ହୋଇ ପାରିବ ବୋଲି ତାଙ୍କର ମତ ଥିଲା। ସାତଥର ନୂଆପଡ଼ାରୁ ବିଧାନସଭାକୁ ନିର୍ବାଚିତ ହେଲାପରେ ଓଡ଼ିଶାରେ ନବେଦଶକ ଦ୍ୱିତୀୟାର୍ଦ୍ଧରେ ନୂତନ ଜିଲ୍ଲା ଗଠନ ପ୍ରକ୍ରିୟା ଆରମ୍ଭ ହେଲା। ନୂଆପଡ଼ାକୁ ଏକ ନୂତନ ଜିଲ୍ଲା ଭାବରେ ଘୋଷଣା କରିବା ପାଇଁ ଘାସିରାମ ମାଝୀଙ୍କ ଅଥକ ଉଦ୍ୟମ ରହିଥିଲା। ନୂଆପଡ଼ା ଜିଲ୍ଲା ଗଠନ ହେବାର କିଛିଦିନ ପରେ ତାଙ୍କର ଦେହାନ୍ତ ହେଲା।
ନୂତନ ଜିଲ୍ଲାର ଖୁସି ଏବଂ ଘାସିରାମ ମାଝୀଙ୍କ ଦେହାନ୍ତ ସାଧାରଣଙ୍କୁ ମ୍ରିୟମାଣ କରିଥିଲା। ଏତେବେଳକୁ ଲୋକେ ଶାସକ ଦଳକୁ ସମର୍ଥନ କରିଥିଲେ। ସେତେବେଳେ ଲୋକଙ୍କ ଭିତରେ ଗୋଟିଏ କଥା ଚର୍ଚ୍ଚାରେ ରଖା ଯାଇଥିଲା ଯେ ଶାସକ ଦଳସହ ରହିଲେ ନୂତନ ଗଠିତ ଜିଲ୍ଲାର ଉନ୍ନତି ଠିକ ଭାବେ ହୋଇ ପାରିବ। ଏଇଥିପାଇଁ ସେତେବେଳର ନିର୍ବାଚନ ଚର୍ଚ୍ଚାରେ ଥିଲା ଯେ ଘାସିରାମ ମାଝୀଙ୍କ ବଦଳରେ ଲୋକେ କାହାକୁ ବାଛୁଛନ୍ତି। ଜଗନ୍ନାତ ପଟ୍ଟନାୟକ ନିର୍ବାଚିତ ହୋଇଥିଲେ।
ନିକଟରେ ସରିଯାଇଥିବା ଉପନିର୍ବାଚନ ୨୦୨୫ ରେ ଲୋକଙ୍କ ନିକଟରେ ବହୁଧା ପ୍ରଶ୍ନର ଉତ୍ତର ଦେବାକୁ ଥିଲା। ନୂଆପଡ଼ା ନିର୍ବାଚନମଣ୍ଢଳୀର ସାଧାରଣଙ୍କ ନିର୍ଣ୍ଣୟ ଚଳନ୍ତି ରାଜନୈତିକ ପରିବେଶରେ ବହୁ ଚ୍ୟାଲେଞ୍ଜର ସମ୍ମୁଖିନ ହେବାକୁ ପଡ଼ିଥିଲା।
ପ୍ରଥମେ ଶାସକ ଦଳ। ରାଷ୍ଟ୍ରୀୟ ସ୍ୱୟଂସେବକ ସଂଘ ନିଜର ଶହେତମ ସ୍ୱନକ୍ଷତ୍ର ଉତ୍ସବ ପାଳନ କରୁଛି। ଇଂରେଜ ଶାସିତ ଭାରତ ସମୟରୁ ସ୍ୱାଧିନତା ଅପେକ୍ଷା ହିନ୍ଦୁଧର୍ମର ସତ୍ତ୍ୱାଧିକାର ଥିବା ଭାରତ ଭୂଖଣ୍ଡର ପ୍ରତିଷ୍ଠା ପାଇଁ ନିରବିଚ୍ଛିନ୍ନ ପ୍ରୟାସ କରି ଆସୁଅଛି। ସ୍ୱାଧିନତା ସଂଗ୍ରାମରୁ ନିଜକୁ ଦୂରରେ ରଖି ନାନା ବାଦ ଅପବାଦ ନେଇ ଚର୍ଚ୍ଚାରେ ରହି ଆସିଛି।
ହିନ୍ଦୁଧର୍ମ ପ୍ରାଚୀନ ଧର୍ମ ମଧ୍ୟରୁ ଅନ୍ୟତମ। ସତ୍ତାରେ ବୁଦ୍ଧ, ଜୈନ, ଇସଲାମ ଓ ଖ୍ରୀଷ୍ଟିଆନ ଧର୍ମ ପ୍ରଭାବିତ ଶାସନ ଦେଖି ଆସିଛି। ମଧ୍ୟଯୁଗ ପରେ ଉତ୍ତର ମଧ୍ୟଯୁଗରେ ଛତ୍ରପତି ଶିବାଜୀ ମହାରାଜ ଏବଂ ତାଙ୍କ ପରେ ସ୍ୱାଧିନ ଭାରତରେ ଅଟଳ ବିହାରୀ ବାଜପେୟୀଙ୍କ ସରକାର ରାଷ୍ଟ୍ରୀୟ ସ୍ତରରେ ହିନ୍ଦୁଧର୍ମ ଆଧାରିତ ବିଚାରଧାରା ନେଇ ଶାସନକୁ ଆସିଅଛି। ଶାସନରେ ଯେଉଁସବୁ ଋଢ଼ୀବାଦ ଆଦିର ଆବଶ୍ୟକତା ରହେ ତାହା ରାଜନୀତିରେ ପ୍ରୟୋଗ କରି ଆସୁଅଛି।
ରାଷ୍ଟ୍ରୀୟ ସ୍ୱୟଂ ସେବକ ସଂଘ ଯେତେବେଳେ ତାର ୧୦୦ ବର୍ଷ ପୁରା କରୁଛି ସଂଯୋଗକୁ ସେତେବେଳେ କେନ୍ଦ୍ରରେ ନରେନ୍‌୍ର ମୋଦୀଙ୍କ ସରକାର ତାର ତୃତୀୟ ପାଳି କାର୍ଯ୍ୟକାଳ ପରିଚାଳନା କରୁଛି। ନଅବର୍ଷ ଶାସନରେ ଭାଗିଦାରୀ ରହିବା ପରେ ଏକପ୍ରକାର ବିଜେଡି ଗଠବନ୍ଧନରୁ ତଡା ଖାଇବା ପରେ ନୂତନ କରି ମୋହନ ମାଝୀ ସରକାର ରାଜ୍ୟରେ ଶାସନ କରୁଅଛି। ଏତେବେଳକୁ ବିହାର ବିଧାନସଭା ନିର୍ବାଚନ ଓ ନୂଆପଡ଼ା ଉପନିର୍ବାଚନ ଆସିଛି। ନିଶ୍ଚିତ ନୂଆପଡ଼ା ଉପନିର୍ବାଚନ ବେଶ ଗୁରୁତ୍ୱ ଓ ମହତ୍ତ୍ୱ ରଖେ ଆରଏସଏସ ପାଇଁ। ଯାହାକୁ ସେ ସଫଳତାର ସହ ପୁରା କରିଛି।
ନୂଆପଡ଼ାରେ ଶାସକ ଦଳ ପାଇଁ ପ୍ରଥମ ଚ୍ୟାଲେଞ୍ଜ ଥିଲା ବିଜେଡି ବିଧାୟକ ରାଜେନ୍ଦ୍ର ଢୋଲକିଆଙ୍କ ନିଧନ ପରେ ତାଙ୍କର ପୁଅ ଜୟ ଢୋଲକିଆ ବିଜେଡି ପ୍ରାର୍ôଥ ହେବାର ଅବଧାରିତ ଥିଲା। ଶାସକ ବିଜେପି ଦଳରୁ ଦୁଇଥର ବିଧାୟକ ଏବଂ ଥରେ କଳାହାଣ୍ଡି ସାଂସଦ ରହି ସାରିଥିବା ବସନ୍ତ ପଣ୍ଡାଙ୍କ ପୁଅ ବିଜେପିରୁ ପ୍ରାର୍ôଥ ହେବା ପ୍ରାୟ ନିଶ୍ଚିତ ଥିଲା। ଯଦି ଏହା ହୋଇଥାନ୍ତା ତାହେଲେ ପାରମ୍ପାରିକ ହୋଇଥାନ୍ତା। କିନ୍ତୁ ଶାସକ ଦଳ ପାଇଁ ନୂଆପଡ଼ା ଉପନିର୍ବାଚନ ପରୀକ୍ଷାର ସମୟ ଥିଲା। ପରମ୍ପରାକୁ ନଭାଙ୍ଗିଲେ ନିଜର ରାଜନୈତିକ ବର୍ଚ୍ଚସ୍ୱ ରଖିବା ସେତେଟା ସହଜ ହୋଇ ନଥାନ୍ତା। ଯାହା ରାଜ୍ୟରେ ତାର ରାଜନୈତିକ ଭବିଷ୍ୟତକୁ ପ୍ରଭାବିତ କରିଥାନ୍ତା। ସବୁଠାରୁ ବଡ କଥା ଥିଲା ଢୋଲକିଆ ପରିବାର ଗୁଜରାତି ବ୍ୟବସାୟୀ ପରିବାର ଅଟନ୍ତି। କେନ୍ଦ୍ରରେ ଗୁଜରାତି ପରିଚିତି ଗୋଟିଏ ବିଶେଷ ମହତ୍ତ୍ୱ ରଖିଥାଏ। ଜୟ ଢୋଲକିଆ ବିଜେଡି ବଦଳରେ ବିଜେପି ପ୍ରାର୍ôଥ ହେଲେ। ଏହା ଶାସକ ଦଳର ଗୋଟିଏ ବଡ କୂଟନୈତିକ ସଫଳତା ଥିଲା। ଫଳରେ ସାଧାରଣଙ୍କ ଅନୁକମ୍ପା ଯାହା ରାଜେନ୍ଦ୍ରଙ୍କ ପୁଅ ଜୟଙ୍କ ପ୍ରତି ରହିଥିଲା ତାହା ଭାଜପା ସପକ୍ଷରେ ଗଲା। ଜୟ ଢୋଲକିଆ ଭାଜପାକୁ ଆସିବା ନେଇ ଲୋକଙ୍କ ମଧ୍ୟରେ କୌଣସି ବିରୋଧ କି ଆଲୋଚନା ନଥିଲା। ଏକେତ ଗୁଜରାତି ପରିବାର ଏବଂ ଦ୍ୱୀତିୟରେ ଯେଉଁ ବିଜେଡିକୁ ନୂଆପଡ଼ାରେ ସାମ୍ନା କରିବ ସେହି ଦଳ ମଧ୍ୟ ଅତୀତରେ ଏଭଳି କାମ କରି ସାରିଛି। ବିଜେପୁର ଉପନିର୍ବାଚନରେ କଂଗ୍ରେସ ବିଧାୟକଙ୍କ ନିଧନ ପରେ ତାଙ୍କର ପତ୍ନୀ ବିଜେଡି ପ୍ରାର୍ôଥନୀ ହୋଇଥିଲେ। ଉପନିର୍ବାଚନ ପ୍ରସ୍ତୁତିରେ ଭାଜପା ସଫଳତାର ସହ ନିଜକୁ ପ୍ରସ୍ତୁତ କରିନେଲା।
ଅନ୍ୟପଟେ ବିଜୁ ଜନତା ଦଳ, ହଠାତ ପ୍ରତିନିଧି ଶୂନ୍ୟ ହୋଇଗଲା। ସ୍ଥାନୀୟ ବିଜେଡି ନେତାଙ୍କ ନାମ ବିଧାୟକ ପ୍ରାର୍ôଥ ପାଇଁ ନାମ ସାମ୍ନାକୁ ଆସିଲା। ଗତ ୨୦୨୪ ନିର୍ବାଚନରେ କଳାହାଣ୍ଡି ବିଜେଡି ସାଂସଦ ପ୍ରାର୍ôଥ ଲମ୍ବୋଦର ନିଆଲ ନିଜର ଦଳ ଛାଡି ଭାଜପାରେ ଯୋଗଦେଲେ। ଯଦି ତାଙ୍କୁ ପ୍ରାର୍ôଥ କରା ଯାଇଥାନ୍ତା ଜିଲ୍ଲା ସ୍ତରରେ ଦଳୀୟ ବିବାଦର ସମ୍ଭାବନା ଥିଲା। ଏହାପରେ ଉପନିର୍ବାଚନ ପାଇଁ ଜଣେ ନିର୍ବିବାଦୀୟ ପ୍ରାର୍ôଥଙ୍କ ଆବଶ୍ୟକତା ଥିଲା। ସ୍ନେହାଙ୍ଗିନୀ ଛୁରିଆଙ୍କୁ ବିଜୁ ଜନତା ଦଳ ପ୍ରାର୍ôଥ କଲା। ଯିଏ ନୂଆପଡ଼ା ଜିଲ୍ଲାର ନୁହନ୍ତି। ବିଜୁ ଜନତାଦଳରେ ଅଶାନ୍ତି ବ୍ୟାପିଲା। ଯାହାର ପରିଣାମ ଭୋଟ ଫଳାଫଳରୁ ବାରିହୁଏ।
ନବୀନ ପଟ୍ଟନାୟକ ନିଶ୍ଚିତ ଜଣେ ନିର୍ବିବାଦୀୟ ଏବଂ ଲୋକପ୍ର୍ରିୟ ନେତା। ବିଜୁ ଜନତାଦଳ ଗତ ନିର୍ବାଚନରେ ପରାଜିତ ହେବାର କାରଣ ମାନଙ୍କରୁ ତାଙ୍କର ସ୍ୱାସ୍ଥ୍ୟଗତ କାରଣ ମୁଖ୍ୟଥିଲା ବୋଲି ଅନେକ କହନ୍ତି। ଯାହାକୁ ଅସ୍ୱୀକାର କରାଯାଇ ପାରିବ ନାହିଁ। ଅସୁସ୍ଥତା ସତ୍ତ୍ୱେ ନବୀନ ପଟ୍ଟନାୟକଙ୍କୁ ଦୁଇ ଦୁଇଥର ନୂଆପଡା ଆଣିବା ଲୋକଙ୍କ ମନରେ କଷ୍ଟ ଦେଇଥିଲା। କାରଣ ଲୋକେ ସ୍ଥାନୀୟ ପ୍ରାର୍ôଥ ଅପେକ୍ଷା ନବୀନ ପଟ୍ଟନାୟକଙ୍କୁ ଭୋଟ ଦେବା ଅନୁଭବ କରନ୍ତି। ନବୀନ ପଟ୍ଟନାୟକ ହିଁ ବିଜେଡି ପାଇଁ ପ୍ରଥମ ଏବଂ ଶେଷ ବ୍ୟକ୍ତିତ୍ୱ ଯେପରି। ତାଙ୍କ ବିନା ବିଜେଡିର ଅସ୍ତିତ୍ୱ ହିଁ ନାହିଁ। ପ୍ୟାରୀ ମୋହନ ମହାପାତ୍ର ଏବଂ ଭୈରବ କାର୍ତ୍ତିକେୟନ ପାଣ୍ଡିଆନଙ୍କ ବର୍ଚ୍ଚସ୍ୱ ସତ୍ତ୍ୱେ ନବୀନ ପଟ୍ଟନାୟକ ହିଁ ମୂଳ ରହି ଆସିଛନ୍ତି। ନିଶ୍ଚିତ ଲୋକପ୍ରିୟତାରେ ନବୀନ ପଟ୍ଟନାୟକ ବର୍ତ୍ତମାନ ମଧ୍ୟ ପଛରେ ନାହାନ୍ତି। କିନ୍ତୁ ନୂଆପଡା ଗସ୍ତ ଲୋକଙ୍କ ମନରେ ଦଳୀୟ କାର୍ଯ୍ୟକର୍ତ୍ତାଙ୍କ ପ୍ରତି ଗୋଟିଏ ଅସହଜ ଭାବ ତିଆରି କଲା। ଲୋକେ ଦଳୀୟ କାର୍ଯ୍ୟକର୍ତ୍ତାଙ୍କ ଏହି କୃରତାର ଜବାବ ଭୋଟରେ ଦେଲେ ଯେପରି।
ବିଜୁ ଜନତା ଦଳ ଗୋଟିଏ ସମ୍ପନ୍ନ ଏବଂ ସଂଗଠିତ ଦଳ ନିଶ୍ଚୟ। କିନ୍ତୁ ନବୀନ ପଟ୍ଟନାୟକଙ୍କ ବ୍ୟତୀତ ତାଙ୍କ ନିକଟରେ ଲୋକପ୍ରିୟ ହେଲାଭଳି ଚେହେରା ନାହାନ୍ତି। ନୂଆପଡ଼ା ଉପନିର୍ବାଚନ ବିଜେଡି ପାଇଁ ଅସ୍ତିତ୍ୱର ପ୍ରଶ୍ନ ଥିଲା ଯେପରି। ଲୋକଙ୍କ ଭାବାବେଗକୁ ବୁଝିବାରେ ଦଳୀୟ କାର୍ଯ୍ୟକର୍ତ୍ତା ଅସଫଳ ରହିଲେ। ପରାଜୟ ବାଦ ଯଦି ଭୋଟ ବ୍ୟବଧାନ କମ ରହିଥାନ୍ତା ତାହେଲେ ଗୋଟିଏ ସନ୍ତୁଳନ ରହି ପାରିଥାନ୍ତା ଦଳର ଭବିଷ୍ୟତ ପ୍ରତି। ନୂଆପଡ଼ାର ସାଧାରଣ ପ୍ରମାଣ କରିଦେଲେ ବିଜେଡି ଦଳରେ ନବୀନ ପଟ୍ଟନାୟକଙ୍କ ବ୍ୟତୀତ ଗୋଟିଏ ଦୀର୍ଘ ଶୂନ୍ୟସ୍ଥାନ ରହିଅଛି।
ଏହା ବି ହୋଇପାରେ ଶାସକ ଦଳକୁ ପରୋକ୍ଷ ସହଯୋଗ କରିବା ପାଇଁ ବିଜେଡି ନୂଆପଡ଼ାରେ ନିଜର କାର୍ଯ୍ୟକ୍ରମ ତିଆରି କରିଥିଲା। ଅଥବା ଦଳର ଏହି ଦୁର୍ବଳତାର ପୁରା ସୁଯୋଗ ଶାସକ ଦଳ ନେଲା।
ଏହି ଉପନିର୍ବାଚନରେ କଂଗ୍ରେସ ନିଜକୁ ସଫଳତାର ସହ ଜାହିର କରି ପାରିଲା ଏହା ଦଳ ପାଇଁ ଗୋଟିଏ ଶୁଭ ଖବର। ଓଡ଼ିଶା କଂଗ୍ରେସ ଦଳରେ ପୂର୍ବ ପଶ୍ଚିମର ଗୋଟିଏ ବିଭେଦ ପୂର୍ବରୁ ଚର୍ଚ୍ଚାକୁ ଅନେକଥର ଆସିଅଛି। ଅପରନ୍ତୁ ଏକାଧିକ ଥର ପଶ୍ଚିମ ଓଡ଼ିଶାରୁ ରାଜ୍ୟ କଂଗ୍ରେସ ଅଧ୍ୟକ୍ଷ ରହିଛନ୍ତି। ହେମାନନ୍ଦ ବିଶ୍ୱାଲ, ଶରତ ପଟ୍ଟନାୟକ ଏବଂ ବର୍ତ୍ତମାନ ଭକ୍ତ ଚରଣ ଦାସ ରାଜ୍ୟ କଂଗ୍ରେସ ଅଧ୍ୟକ୍ଷ ରହିଛନ୍ତି। ନବୀନ ପଟ୍ଟନାୟକଙ୍କ ଅଭ୍ୟୁଦୟ ପରେ କଂଗ୍ରେସ ଶାସନରୁ ଗୋଟିଏ ପ୍ରକାର ଦୂରରେ ରହିଅଛି। ଏତେ ଦୂରରେ ଯେ ଏକଦା ଓଡ଼ିଶା ଶାସନ କଂଗ୍ରେସ ଅଧିନରେ ରହିଥିଲା। କିନ୍ତୁ ବିଜେଡିର ୨୪ ବର୍ଷର ଶାସନ ପରେ ନିଜକୁ ଦ୍ୱିତୀୟ ସ୍ଥାନରେ ରଖିବାକୁ ଅସଫଳ ରହିଲା। ରାଜ୍ୟରେ ଗୋଟିଏ ଦୀର୍ଘ ସଫଳ ଇତିହାସ ରଖିଥିବା କଂଗ୍ରେସ ରାହୁଲ ଗାନ୍ଧୀଙ୍କ କାର୍ଯ୍ୟକ୍ରମମାନଙ୍କୁ ନେଇ ଗୋଟିଏ ସଫଳ ଚର୍ଚ୍ଚାରେ ରହିଅଛି। ଏହି ସମୟରେ ଭକ୍ତ ଚରଣ ଦାସଙ୍କ ଦାୟିତ୍ୱ ଗ୍ରହଣ କଂଗ୍ରେସକୁ ପରିଚାଳନାଗତ ସଫଳତା ଆବଶ୍ୟକ। ହାରଜିତ ଅପେକ୍ଷା ଲୋକଙ୍କ ନିକଟରେ କଂଗ୍ରେସର ଉପସ୍ଥିତି ଜାହିର କରିବା ଆବଶ୍ୟକ ଥିଲା।
ଅନ୍ୟପଟେ ଭୂତଳ ସତ୍ୟ ଥିଲା ଭିନ୍ନ ପ୍ରକାରର। ଗତ ବିଧାନସଭା ନିର୍ବାଚନରେ ଯୁବନେତା ଘାସିରାମ ମାଝୀ ଯିଏ କଂଗ୍ରେସ ଦଳର ପ୍ରତିନିଧିତ୍ୱ କରନ୍ତି ତାଙ୍କୁ ଟିକେଟ ନଦେଇ ଶରତ ପଟ୍ଟନାୟକଙ୍କୁ ଦଳୀୟ ଟିକେଟ ଦେଇଥିଲା। ଏହି ବ୍ୟବହାରରେ ନୂଆପଡ଼ା ଆଦିବାସୀ ସମାଜ କ୍ଷୁ୍‌ବଧ ଥିଲେ। ଫଳତଃ ଘାସିରାମ ମାଝୀଙ୍କୁ ସ୍ୱାଧିନ ପ୍ରାର୍ôଥ ଭାବରେ ଲଢିବାକୁ ପଡିଲା। ସେ ଦ୍ୱିତୀୟ ସ୍ଥାନରେ ରହିଥିଲେ। ନିର୍ବାଚନ ପରେ ଘାସିରାମ ମାଝୀଙ୍କୁ କଂଗ୍ରେସ ଦଳର ଜିଲ୍ଲା ଅଧ୍ୟକ୍ଷ କରାଗଲା। ନିର୍ବାଚନ ଘୋଷଣା ପରେ ପରେ ତାଙ୍କୁ କଂଗ୍ରେସ ପ୍ରାର୍ôଥ ଭାବରେ ଟିକେଟ ବି ଦିଆଗଲା। ଏହାକୁ ନେଇ ଆଦିବାସୀ ସମାଜ ଭିତରେ ଚର୍ଚ୍ଚା ହେଲା। ଗୋଟିଏ ସଜଗ ସମାଜ ନିଜର ମୌଳିକତା ଦେଖାଏ। କୌଣସି ରାଜନୈତିକ ଦଳ ସହ ସମାଜ ଅନୁବନ୍ଧିତ ନୁହେଁ ଏକଥା ଲୋକେ ଦେଖାଇଦେଲେ। ଚଳିତ ନିର୍ବାଚନରେ ମଧ୍ୟ ଘାସିରାମ ମାଝୀ ଦ୍ୱିତୀୟ ସ୍ଥାନରେ ରହିଲେ କିନ୍ତୁୁ ଭୋଟ ବ୍ୟବଧାନ ୮୦ ହଜାରରୁ ଅଧିକ ଥିଲା। ତୃତୀୟ ସ୍ଥାନରେ ବିଜେଡି ରହିଥିଲେ ମଧ୍ୟ କଂଗ୍ରେସ ୧୮.୮୭ ପ୍ରତିଶତ ଓ ବିଜେଡି ୧୮.୦୭ ପ୍ରତିଶତ ଭୋଟ ପାଇଥିଲା। ବିଜେପି ୫୮.୨୭ ପ୍ରତିଶତ ଭୋଟ ପାଇଥିଲା। ଅପରନ୍ତୁ ଗତ ବିଧାନସଭା ନିର୍ବାଚନରେ ବିଜେଡି ୩୩.୬୫, ସ୍ୱାଧିନ (ଘାସିରାମ ମାଝୀ) ୨୭.୭୩, ଭାଜପା ୨୪.୩୯ ଓ କଂଗ୍ରେସ ୮.୪୪ ପ୍ରତିଶତ ଭୋଟ ପାଇଥିଲା।
ରାଜ୍ୟରେ ଏକକ ସଂଖ୍ୟା ଗରିଷ୍ଠତା ପାଇ ସରକାର ଗଠନ କରିଥିବା ଭାଜପା ବିରୋଧରେ ବିଜେଡି ଶକ୍ତ ପ୍ରତିରୋଧ ତ କରି ପାରିଲା ନାହିଁ କିନ୍ତୁ ଏହାର ସୁଯୋଗ ବି କଂଗ୍ରେସ ନେଇ ପାରିଲା ନାହିଁ। ପୂର୍ବାଗ୍ରହ ଏବଂ ରାଜ୍ୟ ରାଜନୀତିର ଘଟଣାକ୍ରମକୁ ଦେଖିଲେ କଂଗ୍ରେସ ନୂଆପଡ଼ାରେ ନିଶ୍ଚୟ ଏକ ଉଲ୍ଲେଖନୀୟ କାମ କରିଛି ଏହା ସ୍ୱୀକାର କରିବାକୁ ପଡିବ। ଭକ୍ତଚରଣ ଦାସଙ୍କ ପ୍ରତ୍ୟକ୍ଷ ଯୋଗଦାନ କଂଗ୍ରେସ ପ୍ରତି ଲୋକଙ୍କ ଦୃଷ୍ଟି ଆକର୍ଷଣ କରି ପାରିଛି ଏହା ସବୁଠାରୁ ସୁଖକର ଖବର କଂଗ୍ରେସ ପାଇଁ।
ରାଜନୈତିକ ଦଳଙ୍କ ସ୍ଥିତି ବାଦ ଗୋଟିଏ କଥା ଦେଖାଯାଉ ଭୋଟଦାନ ହାର ୮୩.୪୯ ପ୍ରତିଶତ ଥିଲା। ରାଜନୀତି ପ୍ରତି ରୁଚି ରଖିଥିବା ଲୋକଙ୍କ ପାଇଁ ଏହା ଏକ ଆଶ୍ଚର୍ଯ୍ୟର କଥା ଥିଲା। ନୂଆପଡ଼ା ଦାଦନ ପ୍ରବଣ ଜିଲ୍ଲା। ଜିଲ୍ଲାରୁ ଲକ୍ଷାଧିକ ଲୋକ ଦାଦନ ଖଟିବା ପାଇଁ ଦକ୍ଷିଣ ରାଜ୍ୟମାନଙ୍କୁ ଯାଇଥାନ୍ତି। ଏହି ପ୍ରବାସ ଦଶହରା ପରେ ପରେ ଅକ୍ଟୋବର ମାସରୁ ଆରମ୍ଭ ହୋଇଯାଏ। ନିର୍ବାଚନ ହେବା ବେଳକୁ ଅଧାରୁ ଅଧିକ ଦାଦନ ନୂଆପଡ଼ା ଜିଲ୍ଲାରୁ ପ୍ରବାସ କରି ସାରିଛନ୍ତି। ତେଣୁ ମତଦାନ ପ୍ରତିଶତ ନେଇ ଗୋଟିଏ ପ୍ରଶ୍ନ ଉଠିବା ସ୍ୱଭାବିକ। ରାହୁଲ ଗାନ୍ଧୀ କେନ୍ଦ୍ର ସରକାରଙ୍କ ଉପରେ ଭୋଟ ଚୋରୀର ଆକ୍ଷେପ କରି ଆସୁଛନ୍ତି। ଏହି ପ୍ରତିଶତ ରାହୁଲ ଗାନ୍ଧୀଙ୍କ ଆକ୍ଷେପକୁ ସ୍ଥାନୀୟ କ୍ଷେତ୍ରରେ ଅହେତୁକ ନୁହେଁ ବୋଲି ଚର୍ଚ୍ଚାମଧ୍ୟ ହେଉଛି।
ଚଳନ୍ତି ସମୟରେ ଭୋଟ ଓ ଟଙ୍କାକୁ ଏକାସଙ୍ଗେ ଯୋଡି ଦେଖାଯାଏ। ପ୍ରଚାର ଉପହାର ଆଦି ନେଇ ଜଣେ ସାଧାରଣ ଲୋକ ନିର୍ବାଚନ ଲଢିବାକୁ ସାହସ ମଧ୍ୟ କରି ପାରିବ ନାହିଁ। ପ୍ରମୁଖ ତିନୋଟି ଦଳଙ୍କ ନିକଟରେ ଟଙ୍କାର ଅଭାବ ରହିଅଛି ଏହା କେହି ବିଶ୍ୱାସ କରିବେ ନାହିଁ। ଏହି କ୍ଷେତ୍ରରେ ଯୋଗାଯୋଗ ଗୋଟିଏ ବିଶେଷ ମହତ୍ତ୍ୱ ରଖିଥାଏ। ଶାସନକୁ ପ୍ରଶାସନିକ ସହାୟତାର ଅଭିଯୋଗ ମଧ୍ୟ ଆସିଲା। ଯାହାକୁ ଅମୂଳକ କହିବା କଠିଣ ହେବ। ସୋସିଆଲ ମିଡିଆରେ ଅନେକ ବୁଦ୍ଧିଜିବୀ ଶାସକ ଦଳକୁ ଟଙ୍କା ବାଣ୍ଟିବା ଅଭିଯୋଗ ଆଣିଛନ୍ତି। ଏକଥା ନୁହେଁ ଯେ ଅନ୍ୟଦଳ ଟଙ୍କା କାରବାର କରି ନାହାନ୍ତି। କିନ୍ତୁ ଯିଏ ଲୋକଙ୍କ ନିକଟକୁ ଯେତେ ସହଜରେ ପହଞ୍ôଚ ପାରିଲା ସେ ନିଜ ସପକ୍ଷରେ ଲୋକଙ୍କ ମତ ଆଣିବାରେ ସଫଳ ହେଲା। ଏହା ଅନୁରୋଧ, ପ୍ରତିଶୃତି ହେଉ କି ଟଙ୍କା ଏକାକଥା। କଂଗ୍ରେସ ପ୍ରାର୍ôଥ ଘାସିରାମ ମାଝୀ ଏହାକୁ ସୁନ୍ଦର ଭାବରେ ନିଜର ପ୍ରତିକ୍ରିୟାରେ କହିଲେ, ‘ଟଙ୍କା ଭଗବାନ ନୁହେଁ କିନ୍ତୁ ବିନା ଟଙ୍କାରେ ଭଗବାନ ମଧ୍ୟ ମିଳନ୍ତି ନାହିଁ’।
ଦୀର୍ଘ ବର୍ଷ ଶାସନରେ ରହିବା ପରେ ବିଜୁ ଜନତାଦଳ ନିକଟରେ ଏହି ସାମର୍ଥ୍ୟ ନାହିଁ କି? ପ୍ରାର୍ôଥ ବଦଳ ହୁଏତ କାରଣ ହୋଇପାରେ। କିନ୍ତୁ ଶାସନରୁ ଗଲାପରେ ବିଜେଡି ଯେ ଲୋକଙ୍କ ନିକଟରୁ ଦୂରେଇ ଯାଇଛି ଏହା ସ୍ୱୀକାର କରିବାକୁ ପଡିବ।
ଜାତି ଓ ରାଜନୀତି; ଭାରତ ଜାତି ଆଧାରିତ ଦେଶ। ଜାତି ଓ ରାଜନୀତି ସବୁବେଳେ ନିଜର ପ୍ରଭାବ ରଖି ଆସିଛି। ଓଡ଼ିଶା ମଧ୍ୟ ଏଥିରୁ ଅଛୁତ ନୁହେଁ। ଅତୀତରେ ଉଚ୍ଚବର୍ଗଙ୍କ ଆଧିପତ୍ୟ ରାଜନୀତିରେ ରହି ଆସିଅଛି କିନ୍ତୁ ସେମାନେ ମଧ୍ୟ ଜାତି ଆଧାରରେ ଯେତିକି ସଫଳ ହୁଅନ୍ତି ପ୍ରତିଶୃତି ଆଦି ଉପରେ ସେତିକି ନୁହେଁ। ନୂଆପଡା ଜିଲ୍ଲାରେ ସମସ୍ତ ଜାତିର ଲୋକେ ରହନ୍ତି। ସଂଖ୍ୟାଲଘୁ ମଧ୍ୟ ରହିଛନ୍ତି। ଦଳିତ, ଆଦିବାସୀଙ୍କ ବ୍ୟତୀତ ଯାଦବ ଏକ ସଂଖ୍ୟାଗରିଷ୍ଠ ଜାତି ହୋଇଥିବା କାରଣରୁ ତାଙ୍କର ରାଜନୈତିକ ଚେତନା ଅଧିକ ରହିଥାଏ। ଯାଦବ ସମାଜ ରାଜନୈତିକ ପ୍ରତିନିଧି ତିଆରି କରିବାରେ ଅଧିକ ସମୟ ଦେଇଥାଏ ଏହା ସର୍ବବିଦିତ କଥା। ନୂଆପଡ଼ା ଜିଲ୍ଲାର ଭାଜପା ପ୍ରାର୍ôଥ ଖଡିଆଳ ବିଧାନସଭା ନିର୍ବାଚନ ମଣ୍ଡଳୀରୁ ଯାଦବ ସମ୍ପ୍ରଦାୟର ହିତେଶ ବଗର୍ତ୍ତି ବିଧାୟକ ହୋଇ ସାରିଛନ୍ତି। ଏହି ନିର୍ବାଚନ ମଣ୍ଡଳୀରୁ ଲମ୍ବୋଦର ନିଆଲ ମଧ୍ୟ ବିଧାୟକ ପ୍ରତ୍ୟାଶୀ ରହିଥିଲେ। ପଡୋଶୀ ନିର୍ବାଚନ ମଣ୍ଡଳୀ କଣ୍ଟାବାଞ୍ଜିରୁ ନବୀନ ପଟ୍ଟନାୟକଙ୍କୁ ପଛରେ ପକାଇ ଲକ୍ଷ୍ମଣ ବାଗ ବିଧାୟକ ଅଛନ୍ତି। ଯାଦବ ସମ୍ପ୍ରଦାୟରେ ରାଜନୈତିକ ସଚେତନତା ଅଧିକ। ରାଜନୀତିକୁ ବେଶ ଗୁରୁତର ସହ ନେଇଥାନ୍ତି ଯାଦବ ସମ୍ପ୍ରଦାୟର ଲୋକେ। ନୂଆପଡାରେ ମଧ୍ୟ ୨୫ ପ୍ରତିଶତରୁ ଅଧିକ ଯାଦବ ଭୋଟର ଅଛନ୍ତି। ଲମ୍ବୋଦର ନିଆଲଙ୍କ ବିଜେପିରେ ଯୋଗଦାନ ନିଶ୍ଚିତ ପ୍ରଭାବିତ କରିଥିବ। ଅନ୍ୟ ପଟରେ ଦେଖା ଯାଇଛି ସମାଜବାଦୀ ପାର୍ଟିର ରମାକାନ୍ତ ହାତୀଙ୍କୁ ପ୍ରତିନିଧି କରି ଛିଡା କରା ଯାଇଥିଲା। ଅଖିଲେଶ ଯାଦବ ମଧ୍ୟ ନୂଆପଡ଼ା ଆସିଥିଲେ। କିନ୍ତୁ ଭୋଟ ଅତିକମ ପାଇଥିଲେ। ଯାହା ଅମାନତକୁ ଛୁଇଁ ପାରି ନଥିଲା। ଆଦିବାସୀ ସମାଜ ଜାତି ଓ ରାଜନୀତି ପ୍ରସଙ୍ଗରେ ନିଜକୁ ଯେତିକି ଦୂରରେ ରଖି ପାରିଲା ଯାଦବ ସମାଜ ନିଜକୁ ସେତିକି ମୌଳିକ ରଖି ପାରିଲା ନାହିଁ।
ଚଳନ୍ତି ଉପନିର୍ବାଚନରେ ଗୋଟିଏ କଥା ଲକ୍ଷ କରାଗଲା ସଂଖ୍ୟାଲଘୁ ସମ୍ପ୍ରଦାୟ ଭୋଟ ରାଜନୀତିରୁ ନିଜକୁ ଦୂରରେ ରଖିଲେ। ଚଳନ୍ତି ଦେଶର ପରିସ୍ଥିତି କେତେ ପ୍ରଭାବୀ ତାହା ସ୍ପଷ୍ଟ ହୋଇଗଲା।
ନୂଆପଡ଼ା ଉପନିର୍ବାଚନ ଗୋଟିଏ କଥା ସ୍ପଷ୍ଟ କରିଦେଲା ସ୍ଥାନୀୟ ପ୍ରସଙ୍ଗ ଅପେକ୍ଷା ବ୍ୟକ୍ତି ସହ ଜଡିତ ଥିବା କହାଣୀମାନଙ୍କୁ ବେଶ ଗୁରୁତର ସହ ପ୍ରଚାର କରାଗଲା। ସମାଜିକ ଗଣମାଧ୍ୟମ ତଥା ରାଜ୍ୟ ଓ ରାଷ୍ଟ୍ର ସ୍ତରର ଗଣମାଧ୍ୟମ ପ୍ରତିନିଧି ନୂଆପଡ଼ାରେ ଦୀର୍ଘ ସମୟ ରହିଲେ। ସେମାନେ ନୂଆପଡ଼ାର ସାଧାରଣଙ୍କ ସମସ୍ୟା ଅପେକ୍ଷା ବ୍ୟକ୍ତି ପ୍ରଚାରରେ ଅଧିକ ମନୋନିବେଶ କଲେ। ପିତୃରକ୍ତ, ମାମୁଁଘର ଆଦି ପ୍ରସଙ୍ଗ ଯେତିକି ଅନାବଶ୍ୟକ ଥିଲା ସେତିକି ଚର୍ଚ୍ଚାରେ ରଖାଗଲା। ଗଣମାଧ୍ୟମ ଗଣଙ୍କ ଅପେକ୍ଷା ବ୍ୟକ୍ତି କୈନ୍ଦ୍ରିକ ଥିଲା। ପ୍ରଚାରର ପ୍ରକ୍ରିୟା ମଧ୍ୟ ଚିନ୍ତାଜନକ ଥିଲା। ବ୍ୟକ୍ତି ଅପେକ୍ଷା ତାହାର ଦୃଷ୍ଟିକୋଣ ସାଧାରଣଙ୍କୁ ନେଇ କଣ କେହି ଜାଣି ପାରିଲେ ନାହିଁ। ଦେଖାଗଲା କେବଳ ବ୍ୟକ୍ତି ପ୍ରଚାର ପାଇଁ ଗଣମାଧ୍ୟମକୁ ବ୍ୟବହାର କରା ଯାଇଥିଲା। ଗଣମାଧ୍ୟମ ତାର ମୌଳିକତାରୁ ଦୂରରେ ରହିଲା ଯେପରି।
ନୂଆପଡ଼ା ପ୍ରସ୍ତର ଯୁଗରୁ ନିଜରୁ ପୁରାତାତ୍ତ୍ୱିକ ସମ୍ପଦା ସାଇତି ରଖିଛି। ତାର ସାମାଜିକ ବୈଜ୍ଞାନିକତା ଇତିହାସର ଯେ କୌଣସି ସଭ୍ୟତାକୁ ମଧ୍ୟ ଆଶ୍ଚର୍ଯ୍ୟ କରିବ। ଏହାର ପ୍ରାକୃତିକ ସୌନ୍ଦର୍ଯ୍ୟ ଅତୁଳନୀୟ। କର୍ମନିଯୁକ୍ତି, ସମ୍ପଦାର ନିଷ୍କାସନ, ଦାରିଦ୍ର‌୍ୟ ଆଦି ପ୍ରସଙ୍ଗ ନଥିଲା। ପ୍ରଚାର ମାଧ୍ୟମ ହୋଇ ଗଣମାଧ୍ୟମ ନିଜର ପରିଚିତିକୁ କ୍ଷୁର୍ଣ୍ଣ କରିଥିଲା ମାତ୍ର। ଏହା ହେଲା ସବୁଠାରୁ ବିପଦପୂର୍ଣ୍ଣ ଘଟଣା। ବିଧାୟକ ଲୋକଙ୍କ ପ୍ରତିନିଧି ହେବେ ସେ କଳାକାର କି ଖେଲଳୀ ନୁହନ୍ତି ଯେ ତାଙ୍କର ଗୁଣଗାନ କରି ନାୟକ କରାଯିବ। ସେ ଲୋକଙ୍କ ସେବକ ଏକଥା ସମସ୍ତେ ଭୁଲି ଯାଇଥିଲେ ଯେମିତି।